АҚШ-та ең қымбат iPhone телефоны 200 мың долларға жуық сомаға сатылды. LCG Auctions фирмасы өткізген аукционда осы iPhone телефонын сатып алуға 28 өтінім берілген және ол бастапқы құнынан 400 есе жоғары бағаға сатылды. Бұл iPhone нарыққа алғаш шыққанда бағасы 599 доллар еді. Сирек кездесетін телефонға коллекционерлер 50 мыңнан 100 мың долларға дейін төлейді деп күтілген, бірақ нәтиже оның бәрінен асып түсті.
Бұл iPhone моделі алғаш рет 2007 жылы Apple-ді Стив Джобс басқарып тұрғанда жарыққа шыққан екен. Ал сіз 200 мың долларға телефон сатып алар ма едіңіз?
